بسم الله الرحمن الرحيم
السّلام عليكم ورحمة الله وبركاته
متى آخر مرة دلعتي نفسك وأعطيتيها حقها من اهتمامك؟ وكم مرّة اشترينا ورد أو جانا كهدية وعدّى عليه كم يوم ونبغا نستفيد منه قبل ما يخرب؟
كثييير!
بهالطريقة البسيطة نقدر نسوي لنا مقشّر رهيب وفخم بالورد؛ والمكونات موجودة عندنا بالمطبخ!
بهالطريقة البسيطة نقدر نسوي لنا مقشّر رهيب وفخم بالورد؛ والمكونات موجودة عندنا بالمطبخ!
أحلى مافي هالمقشّر إحساس الفخامة إنّه ورد طبيعي ومدلّعة نفسك فيه! وحتكون سلسلة "عقدٌ من الورد" تضمّ كل التدوينات إلي تتعلق بالورد بإذن الله.
المكونات :
- ورد جوري
- سكّر
- زيت جوز هند أو لوز أو سمسم أو أي نوع تفضّليه.
(إذا كنتِ ما تحبّي ريحة جوز الهند مثلي بس تبغي تستخدمي فاتطمّني ريحته ما حتعجبك وحتزعجك إلى أن تشطفي جسمك من المقشر وبعدها حتروح ريحته وتبقى نعومته على جلدك)
اخلطي المكونات مع بعض باستخدام "food processor" غالبًا تجي هذه القطعة مع الخلاط ويكون حجمها صغير
* حطّي في بالك هالنقطة: لا تخلطيهم كثير عشان يحافظ السّكر على خشونته وما يذوب مع الزيت والورد.
وصار عندنا مقشر للجسم بالورد ..
بالنسبة لحفظه؛ الأفضل يستخدم بنفس اليوم بالكثير ليومين لأن الورد يذبل وتصير ريحته مو حلوة، بس إذا كنتِ تبغيه يجلس فترة أطول لأسبوع مثلًا؛ ممكن تجفّفي الورد تمامًا قبل ما تستخدميه.
بالنسبة لحفظه؛ الأفضل يستخدم بنفس اليوم بالكثير ليومين لأن الورد يذبل وتصير ريحته مو حلوة، بس إذا كنتِ تبغيه يجلس فترة أطول لأسبوع مثلًا؛ ممكن تجفّفي الورد تمامًا قبل ما تستخدميه.
"إذا لم تستطع فعل أشياء عظيمة، فافعل أشياء صغيرة بطرق عظيمة"
أسعد بتعليقكاتكم ومشاركة إثرائكم!
"سبحانك اللَّهم وبحمدك، أشهد أنَّ لا إله إلّاَ أنت، أستغفرك وأتوب إليك"
